Paano Mapapaimpis ang Pamamaga mula sa Lymphedema?

Minsan ba ay nagtataka ka kung bakit patuloy ang pamamaga ng iyong braso o binti kahit umiinom ka naman ng gamot? Sa isang episode ng Real Talk with Dok, binigyang-linaw ni Dr. Julie Yamamoto, isang Cardiologist at Vascular Specialist, na walang magic pill o simpleng tableta para sa lymphedema.

Ang lymphedema ay sanhi ng mechanical blockage o pisikal na bara sa ating drainage system na nagdudulot ng abnormal na akumulasyon ng lymph fluids sa katawan. Dahil ito ay isang pisikal na bara, hindi ito basta-basta nadadaan sa pag-inom lamang ng gamot.

Ayon kay Dr. Yamamoto, ang pinakamabisang paraan upang mapaliit ang pamamaga ay ang tinatawag na Complete Decongestive Therapy (CDT). May limang mahahalagang hakbang ang CDT na dapat nating tandaan.

1. Compression Garments at Bandaging

Ito ang pagbalot ng multi-layered bandages sa apektadong bahagi upang maiwasan ang muling pagbalik ng pamamaga. Ginagamitan din ito ng mga medical-grade compression garments para tulungang mapaliit ang mga kamay at paa.

2. Decongestive Exercises

Ito ay mga simpleng galaw at ehersisyo na naglalayong tulungan ang iyong mga muscle na mag-pump. Sa tulong nito, naibabalik ang lymph fluids patungo sa central part ng ating katawan.

3. Meticulous Skin Care

Napakahalaga ng tamang pangangalaga sa balat. Inirerekomenda ang paggamit ng mga alcohol-free at fragrance-free na sabon at moisturizer. Malaking tulong ito upang maiwasan ang skin irritation, malulubhang sugat, o mapanganib na infection sa balat.

4. Self-Massage

Isang gentle na masahe na puwede mong gawin sa sarili upang manu-manong maibalik ang fluid patungo sa central system.

5. Manual Lymphatic Drainage

Kabilang din sa CDT ang specialized manual lymphatic drainage. Tandaan lamang na ang prosesong ito ay kailangang isagawa ng isang certified lymph therapist upang maging ligtas at epektibo.

Disiplina ang Susi sa Paggaling

Ingatan natin ang ating kalusugan at huwag natin itong idaan sa hula-hula. Bagamat nangangailangan ng tiyaga ang Complete Decongestive Therapy, disiplina ang tunay na susi para maibalik sa mas maliit na laki ang iyong mga kamay at paa.

Gusto mo pa ba ng karagdagang health tips? I-follow na ang official Bell-Kenz Pharma pages sa Facebook, YouTube, at TikTok.

Source: Bell-Kenz. (2026). The Real Cure. Retrieved from: https://youtube.com/shorts/a-5Cn_RjSa4?si=IdPKfa7Bee80AE0d